II EKINAREN ASTEA: MAIATZAK 20tik 26ra

Aurten II.EKINAREN ASTEA ospatuko da Aztertu Programaren barruan. Ingurumenaren aldeko ahalik eta ekintza gehien burutzea da helburu, eta horretarako guztien laguntza nahitaezkoa da. Hori dela eta, gure institutuko 1.zikloan aktibitate berezi bat burutuko da: agorturiko bi pilen truke ikasleei txartel bat emango zaie hamaiketako ala fruita bat dohanik jasotzeko ekainaren 14an, Beurko BHIko KONTSUMO OSASUNTSUAREN EGUNEAN hain zuzen.

PILEN ARRISKUA
Egungo pilak eta bateriak fabrikatzeko oso toxikoak diren metal astunak behar dira, pertsonen osasunerako eta ingurumenerako oso kaltegarriak direnak, lurrera, uretara eta airera elementu toxiko desberdinak jariatzen baitituzte. 

Aste honetan zehar arazo honi buruz pentsarazi nahi dizuegu, edonon botatako pilek sortzen duten arazo ekologikoaz, hain zuzen ere. Bide batez KONTSUMO OSASUNTSUA bultzatzeko asmoz begirada bat botako diegu ikasleek atsedenaldian ekartzen dituzten hamaiketakoei.
Ikasleek ondoko informazioari buruzko haurnasketa egin dute.

DBHko bi ziklokoek parte hartu dute:

II Ekinaren astean parte hartzea ugaria izateko asmoz 1.zikloko ikasleek muralak prestatu dituzte antolaturiko kanpainaren berri emateko.

Txoko berdean pilak birziklatzeko dagoen ontzia  betetzen hasi da.

Aurtengo AG21eko gaia KONTSUMOA izan denez, II Ekinaren Astean prestatu genuen ekintza hau AG21eko gai nagusiarekin lotzea bururatu zitzaigun, eta maiatzaren 20tik 26ra bitartean "PILAK BOKATA EDO FRUITA BATEN TRUKE" kanpaina ere martxan jarri genuen: pila zaharrak ekartzen zituen bakoitzari, txartel bat ematen genion, eta ekainaren 14an, txartel horrekin hamaiketako osasuntsu bat eskuratzeko aukera izango zuten. Kanpaina honen zabalkundea egiteko ikasleak berriro prest egon ziren muralak eta pankartak egiteko.

Ekainak 14n gurasoen eta bigarren batxilergoko ikasleen laguntzarekin bokatak eta sagarrak banatu dira. Hona hemen irudi batzu.

HEMEN sakatu gainerako ikastetxeen partaidetza ikusi ahal izateko.

3.HIRULABETEKO JARDUERAK

EKAINAK 22

Ekainak 22an, Luis Choya Almarazi omenaldia egin zion El Regatoko CIHMA egoitzan. Barakaldon, eta Hezkuntza munduan bereziki, oso ospetsu eta garrantzitzua den CIHMA honek hemendik aurrera Luisen izena izango du.

Ekitaldian Luisekin harremanetan izan zuten lagunak, esparru desberdinetatik, bildu ziren. Kultura sailako zinegotziak ireki zuen omenaldia, eta bere atzetik eskoletako errepresentazioan, Bego eta Lourdesek hitz unkigarriak bota zituzten, eskolen aldeko Luisen egindakoa gogoratu eta eskertzen.
Bertaratu ziren Udaleko lankideen sentimenduei Javier Pratsek hitza jarri zien. Azkenik, Alkate Jaunak, ere, hitz egin zuen.

Amaitzeko Alkate jaunak eta Luisen emazteak CIHMA- Luis Choya Almaraz plaka berria desestali egin zuten. Horrela, Luisek imagina, sortu eta bultzatu zuen lekuak, eta bertan Barakaldo Hiri Hezitzaile moduan garatzen den programak merizatako oroimena gordeko du.

EKAINAK 19

Urtero bezala, orla jaian 2.Batxilergoko Ingurumen Taldeko partaideek dagokion agiria jaso dute azkenengo lau ikasturteetan ingurumena zaintzearen ardura hartzeagatik. Agenda21 proiektuan  parte hartu duzuen guztioi, eskerrik asko. Hemen duzue gure omenaldi txikia. Ongi izan eta zorte on aurrean duzuen bidean.
 

Musika:
1. abestia : Somebody To Love ( Glee Cast Version)
2. abestia: Bizirik. Iker Villa (Revolta Permanet taldeko partaidea)

EKAINAK 17

AZTERTU programaren barruan Beurko BHIko ikasleek parte hartu dute II Ekinaren Astean "Pilen kutsadura" eta "Hamaiketako osasungarria" gaiekin. Pilei buruzko ekintza maiatzetik 20tik 24ra burutu zen. Hamaiketako osasungarriarena ekainak 17n.
Nola garatu zen eta argazkiak ikusteko klikeatu irudian.

EKAINAK 13tik 17ra

4.DBHko eleanitzako ikasleek kontsumoari buruzko muralak egin dituzte, hala nola, mobilen kutsadura, arroparen berrerabilpena, ...

 

 

EKAINAK 11

Aurten"Movilizate con Jon" kanpainari  amaiera eman diogu. Horretarako Jonen amari jasotako 64 mobil zahar eman genizkion. Ingurumen Taldeko 3.DBHko hainbat ikaslek horren ardura hartu zuten.

EKAINAK 5 eta 7

PEÑAS NEGRASera

2.DBHko ikasleek Bizkaiko Meatzaldeak natur eta kultur ondare baliotsua duen ingurua dugun ezagutzeko aukera ezin hobea izan dute bi egun hauetan. Honela konturatu dira ondare hau zaindu eta hobetzeko ardura guri guztioi dagokigula, ondoko belaunaldiei iritsi dakien.

 

EKAINAK 3

ESKOLEN ARTEKOA-UDAL FOROA

Clara Campoamor Kultur Aretoan gauzatu zen Udal Foroa eta horren egitarauaren lerro nagusiak hauek izan ziren:

9:20 partaideen harrera

9:40 Ekitaldiaren hasiera

10:00 Interzentroko dinamikak

11:30 Amaikaterdietako

12.00 Eskola Foroa

13:00 Ekitaldiaren amaiera

 

 



HELBURUAK:

1. Ikastetxe bakoitzak auzo edo herri diagnostikoa egin ondoren atera dituen ondorio, konpromiso eta udal-eskakizunak elkar komentatzea eta lehentasunezkoak batzea.
2. Ikasleak elkar ezagutu, esperientziak trukatu eta jende aurrean hitz egiteko beldurra galdu.

 

 

 

MAIATZAK 22

ORTU EKOLOGIKOA INOIZ BAINO BIZIAGO

Beurko BHIko ortua nekazaritza ekologikoa eta ingurumena ikertu eta ezagutzera ematen duen leku aproposa da .
Jarduera honetan parte hartzen duten ikasleak “NATURGUNEA” ikasgaietakoak dira, 4. DBHaren aukera-ikasgaiarenak hain zuzen. Helburua nekazaritza ekologikoa eta ekologiaren inguruan informazioa zabaltzea da era praktikoa erabiliz.
Ortutik lortzen diren uztek aukera ematen diote ikaslegoari usaimena, ukimena, dastamena eta ikusmena erabiltzen. Honetaz gain, hor ikasleek aukera izaten dute pozoin barik kalitatezko fruitu-marrubiak, esaterako-eta ortuariak-babak, porruak, uhazak,…-lortzeko nekazaritza ekologikoaren munduan murgilduz: beharreko erremintak, haziak, lorategi-landareak eta ortu-landareak, konposta,…

Jarraian hainbat irudi adierazgarri.

Ikasleen lanak azaroan

 

Eraldatzen dugun ekosistema

 

 Azaroan jasotako  kalabazak, uda lehorraren ostean

 

Jantokiko laguntzaileek eta 4. DBH zenbait ikasleek astero batzen dute hondar organikoa konpost-a egiteko institutuko baratzean

 

Konposta egitean jantokian sortzen diren hondakin organikoak 'birziklatu' egiten dira ongarri bat sortuz. Konpost hau ortuan erabiltzen da materia organikoa natura-ziklora bueltatuz eta “zabor” horri bigarren erabilpen bat emanez.

 

Maiatzak 16 eta 17an Naturguneko ikasleak uzta jasotzen hasi dira:10 kg baba-handia (Vicia faba)

 

Ortuari kolorea emateko urteroko erraboilak

 

MAIATZAK 21

TERRACYCLE KANPAINA GOGORARAZIZ

Ingurumen Taldeko bi ordezkari ikasgela guztietatik pasatu dira gogorazteko boligrafo eta errotulki zaharren trukearen bidez puntuak lortzen direla eta hoiekin txertoak beharra duten beste eskualdeko herrietara bidaltzeko,iaztik Terracycle-koekin kanpaina aurrera eramaten delarik.

 

 

MAIATZAK 20

IKASLE SARITUTA

Plastikako 4.DBHko Ane Calvo eta Unai Cosgaya ikasleak sarituta izan dira aurtengo AG21eko karpetaren diseinatzeko lehiaketan parte hartzeagatik.

MAIATZAK 20tik 23ra

TESTU LIBURUEN BERERABILPEN KANPAINA

 

2.DBHOkoak kanpaina berri batekin hasi dira beraien azkenengo hiru klase egunetan. Kanpaina honen helburua aurten erabilitako testu liburuak hurrengo ikasturterako berrerabiltzen saiatzea izan da BIRZIKLATU BAINO LEHEN BERERABILI mezua ikasgela guztietatik zabalduz. Testu liburuek botata, baztertuta ala San Juan egunean erreta amaitu beharrean bigarren bizitza bat edukiko dute beste ikasleen eskuetan. Aurten institututik alde egingo duten ikasleek bestei nola jokatu azaldu diete: liburuak mailegua eran utzi, dohainik ematea,  truke moduan jokatzea ala prezio sinboliko betekin  saltzea. Horretarako, ikasleen arteko harremanak areagotzearen aldekoaren ekimenak hasteko beharra dagoela esan diete ikasturtea amaitu baino lehen liburuak jabe berriak izateko.

MAIATZAK 17

GRENPEACEko ARCTIC SUNRISE itsasontzia Bilbon

Arctic Sunrise itsasontzia Bilbora ailegatu da Maiatzak 16 eta 17 egunetan egoteko Bilboko Itsas Museoaren parean.

IGO ITSASONTZIRA!!! entzun eta Beurko BHIko ikasleak zein koordinatzailea igo dira.

Talde ekologistakoek arrantza bideragarriaren aldeko ekintzak dihardute eredu jasangarri bat posible dela badakitelako. Pausoak:

-Arrantza flotak duen gaingaitasunarekin bukatzea: dagoen arrain kopuruarentzat itsasontzi gehiegi daude.

-Arrantza iraunkor eta inpaktu txikikoa bermatzea era positiboan laguntzen baituzte kostaldeko komunitateak eta ingurumen itsastarra..

-Arrantza eremuak kudeatzea ekosistemen ustiamenean arreta berezia izanik.

-Arrantza produktuen trazabilitatean transparentzia handitzea.

Geenpeace erakundeko ordezkariek Espainako Nekazaritza, Elikadura eta Ingurumeneko ministrariari, Miguel Arias Cañeteri hain zuzen, arrantza jasangarriaren aldeko sinadurak emango dizkiote, beraien artean Beurko BHIko Agenda21 proiektuarena.

 

Idazkiaz gain, paperezko itsasontzi txiki batean  gure eskaera idatzita ere ailagatuko zaio ministrariari.

MAIATZAK 6tik 10era KONTSUMO TAILERRAK 1.ZIKLOAN

1.DBHko ikasleek parte hartu dute Kontsumobide tailerretan. KONTSUMOBIDE erakundearen bidez  prestakuntza-jarduerak eskaintzen ditu tailer ibiltariaren bidez. Jarduerak ikasleek eguneroko bizitzan aurkitu ditzaketen kontsumo arloko egoeretan oinarrituta daude.Tailerrak curriculumera egokituta daude eta ordu eta erdiko iraupena daukate. 

 

 

APIRILAK 30

Plastikozko tapoiak batzeko kanpaina aurrera doa institutuan. Iaz hasita, aurten arraskatatsua ere izan da. Bi erainkuntzetako txoko berdeetan dagozkien ontziak daude ikasleek, irakasleek eta ez-dozenteek tapoiak utzi ahal izateko.

APIRILAK 23

Liburuaren eguna dela eta Arte Batxilergoko ikasleek Barakaldoko Clara Campoamor Kultur Aretoa apaindu zuten beraien esku-lanekin. Hor, irakurketa maratoi bat egiteko eskena tokiaren gainean liburuak hegaka txoriak bihurtuta, birziklaturiko materialez egindako loreen usaina ea nabaritzen zen.

 

 

Liburuak nagusiak izan ziren egun horretan. Hango alderdi eta bazter guztietatik irakurleen irudi beltzak eta Joseba Sarrionandiaren esaldiak. 

 

Bai apainketa ederra!

APIRILAK 19 eta 23

4.DBHko ikasleek Ramon Rubial lorategi botanikotik gidaturiko bisitaldia egin dute.

 Lorategia Barakaldo erdian dago, mundu berde batean murgiltzeko aukera izan zuten, bertoko eta kanpoko zuhaitz eta landare espezieen aniztasunaren laburpena ikusteko aukera ezin hobea.

APIRILAK 22

ERABILITAKO ETXEKO OLIOAREN BILKETA-KANPAINA GAUR MARTXAN JARRI DA INSTITUTUAN.

Olioaren isurketak oso kaltegarriak dira ingurumenerako eta ikasleak horretaz jabetzea gustatuko litzaiguke.

Bilketa kanpaina honen helburua, ikasleek, irakasleek eta ez-dozenteek etxean erabilitako olioa, gure institutuan dagoen ontzira ekartzea ohitura bihurtzea da. Olioa biodiesela lortu ahal izateko erabiliko da.

AG21 proiektuan, hezkuntza-komunitatearen ardurak pizgarri bat merezi duela pentsatzen dugu, hori dela eta planetaren alde egiten duzuna eskertzeko modu bat topatu dugu, noski, laranja ere. 

LAGUN GAITZAZU INGURUMENA ZAINTZEN!