ZORIONAK AMAIUR!

Guztiok dakizuenez bigarren mailako Amaiur Andresek, Uxue Garciak, Jon Fernadezek eta Owen Triguerosek Estatuko Confinterako egindako lanari esker, Beurko BHIko bi ordezkari Gasteizen egin zen Konferentziara joan ziren (Amaiur eta Owen). Confint-en lan handia eta lagun asko egin eta gero, Amaiur Bruselasen ospatuko den Europa mailako konferentziara joateko hautatua izan zen.
Amaiurrek Gasteizko Confinteko lan talde batean hauxe komentatu zuen: "Hemen gaudenok, ingurumenaren alde lan egiten dugun pertsona askoren ordezkari gara. Jakina, AG21 proiektuko partaide guztiona, baina baita gure instituetako beste hainbat pertsonena, ingurumenaren aldeko ekintzetan parte hartzen duten pertsonenak, alegia".Eta horixe da guk zutaz pentsatzen duguna, Beurko BHIko Hezkuntza Komunitate osoa ordezkatzeaz ezezik, Euskadiko iraunkortasunaren aldeko ikastetxe guztien ordezkari ezin hobea ere izango zarela Bruselasen.
ZORIONAK AMAIUR ETA MILA ESKER GUZTIOI!